أبوذيات الاولىالسابق34567التاليالاخيرة
درب الطين 18-11-2014 09:42 AM
يضحك من نمر حفاي درب الطيـن
نمشي بلا درب والخطوه شمرة عين
اجـه الليل وغفينه ومات بينه النوم
وتلاكينـه بحلم واثنينه متيهيـن
لاصبحيـه تضوي ولاشمس بالروح
ظلمه ومن بطرهه اتعثر الماشين
تودعني بهلا وخدي انترس بوسات
ماجنـه انتوادع جنـه متلاكيـن
مهجوره بـغيابك والـغراب يـدور
ويفزع الشماتـه وينده الـواشين
غركنه والسفينه مسيسه فوك الماي
السفينه بلا كسر بس احنه مكسورين.
اذا مشتاك 18-11-2014 09:40 AM
اذا مشتاك عوف ظنونك وعود
ولتخليني اشوف بعشرتك ذل
واذا استـاهل اني فراك وبـعــاد
ظل ابعد لحد ما روحـك تمــــل
مرينة أعلى بابك ليش مسـدود
تـره ماكـو بـشر مـا يخطى ويــزل
يـالخليت حـبل الـروح مشـــدود
اذا ما نملي عينك عوفنــة وحل
واذا ما الـنه خـاطر الك وتـعــــود
مـا نـجبر طلعتك غيب لتـــــهل
بـس لـمن نموت ونـصفـه للــدود
لا تبجـي وتـكـول الـفـركــة تـكـتـل
ادور ع الضوه 17-11-2014 09:31 AM
بنص نهار الله وادور ع الضوه
بيه عله وبيه خوفه من الدوه
الماوفيت ويا خل يعذرني حيل
انه والمرتاح مانرهم سوه
وين وعدك 17-11-2014 09:29 AM
وين وعدك موكلت مانفترك
شوعفتني بناركلبي محترك
واعدتني الليل نسهربي سوه
وكلتلي اتصيرلعيوني الضوه
اطلعت جذاب موگد العشك
ما يحتاج اكلك 17-11-2014 09:28 AM
ما يحتاج اكلك انت تعرف زين
تعرف كلشي بية واعرف شبيك
وما يحتاج اكلك اني احبك ليش
تدريني وي روحي اني اغار عليك
صرت انت السفينة واني سفان
وغيري اعلى الجرف ياهو اليرسيك
غيرك ما اريد ولا احبن غيـر
وغيري اعلى الحزن ياهو اليواسيك
احبك خاف اكلك وتكلي جذاب
واقصر خاف اكلك ما اوفيك
سولفلي اعلى حالي واسال ارجوك
وسولفلي علية شبيك ما بيك
هم …….ك يحن من نفترك لحضات
وغم ذاك ال……. لو ما يحن عليك
شعلت روحي شمع وبظلمة تالي الليل
واطفي شموعي كلهة وبس اضويك
خليتك دمع وبساعة الضيج
ابجي دموعي كله وما ابجيك
اعطش من اشوفك وابتسم حيل
واظل عطشان مني واني ارويك
ما ارضة بزعل وما ازعل وياك
وازعل الدنية كلهة وبس اراضيك
الشارع مو امان والناس كلهة حلوك
وادز روحي وي …….ي وعيني تحميك
من طبعي شرس وتخاف مني الناس
بس منك اخافن من الاكيك
اشرد منك اني واختل اني وياك
وتشرد بية انت وبية اخليــــــــــــك
رح اعيد حسابي 16-11-2014 09:10 AM
راح أعيدأحسابي وأبدي من الصفر
وراح أقيم كل صداقات العمر
راح أبسط بالربع موحتى أبيع
أردأشوف شكثرينطوني سعر
وراح أحطهم كلهم بمنخل جبير
أردأشوف اليبقه منهم والعبر
راح أجتف ألساني بحبال السكوت
حتى ماأتندم وأقبل عذر
علمتني الدنيا خداعةالعيون
حتى لوميزت البيض من السمر
تريدأثبتلك وأبرهن هالكلام
هاك طلعلي الملح من الشكر.



www.karekater.com